Туганлык җепләрен өзгән өчен, нинди җәза каралган?
Динебездә туганлык мөнәсәбәтләрен саклауга зур урын бирелә.
Show more
--Расүлебез:
«Аллаһыга һәм Кыямәт Көненә ышанган кеше ТУГАНЛЫК ҖЕПЛӘРЕн сакласын», – дип әйткән (Бохари, Мөслим).
Алай гына да түгел, ТУГАНЛЫК ҖЕПЛӘРЕН саклау, ризыгыбызның - киң, гомеребезнең озын булуына да сәбәп булып тора икән.
Расүлебез:
«Туганлык җепләрен саклагыз. Дөреслектә, ул гомерне озынайта һәм ризыгыбызны киңәйтә», – дип әйткән (Бохари, Мөслим).
Шунысы да мөһим: туганлык җепләрен саклау – сиңа карата яхшы мөгамәләдә булган туганың белән генә түгел, ә синең белән араларны өзгән туганыңа карата булган мөнәсәбәттә дә нык булырга тиеш.
Расүлебез бу мәсьәләдә, кеше үзе белән араны өзгән туганы белән туганлык җепләрен сакларга тиеш, дип искәрткән.
Ә менә туганнар белән араларны өзү турында Пәйгамбәребез:
--«Туганнар белән араларны өзүче кеше ҖӘННӘТКӘ КЕРМӘС», – дигән (Бохари, Мөслим, Әхмәд).
