Туган конегез белэн Золфия апа.

𝓒 𝓓𝓗𝓔𝓜 𝓟𝓞Ж𝓓𝓔𝓗𝓤𝓡!

7 көн - ( 8 октябрь ) : "Гаилә кыйммәте" ( әнидән балага күчеп килгән ядкарь )
#АвылханымымарафоныShow more
#Балтачүзәккитапханә
Ядкәр ул - ерак әби-бабайлардан калып, гаиләбезнең, нәселебезнең якты хәтирәсе булган әйбер. Әбием миңа “Нәселе барның – исеме бар”, дип әйтә торган иде. Дөрес, әгәрдә үткәнебез булмаса, киләчәгебез дә юк дигән сүз. Ядкәрьләр дә, истәлекләр дә төрле була: озын кышкы кичләрдә бәйләгән бияләй - оекбашлар, шәлләр, сөлге – алъяпкычлар, кара - аклы фотосүрәтләр, агачтан ясалган бишек яисә уенчык - болар барысы да нәсел хәтирәсе... Мин әни назыннан 3 яшемдә мәхрүм булдым, йөзләрен фотодан гына күреп беләм . Әтием дә , миңа 11 яшь чагында ,яшьли вафат булды. Мине әтиемнең әти- әнисе тәрбияләп, олы юлга аяк бастырды. Шунлыктан миңа әбиемнән күчкән иң зур һәм иң кадерле ядкарь ул тормыш тәҗрибәсе. Һәр көнне мин моның өчен әбиемә рәхмәт укыйм. Шушы тәҗрибәмне түкми чәчми кызларыма да җиткерергә тырышам. Алар да үз чиратларында үз балаларына тапшырырлар дип ышанып калам.

"Авыл ханымы” бәйгесе.
6 көн."Матурлык яши миндә..."(хатын - кыз өчен күңел байлыгы нидән гыйбәрәт икән?)
#авылханымымарафоныShow more
#балтачүзәккитапханәсе
Бу дөньяда ике төрле байлык бар: матди байлык һәм рухи байлык, күңел байлыгы. Аларның кайсы мөһимрәк булуы турында инде борын-борыннан бәхәс бара. Югыйсә җавабы бик гади кебек: алар икесе дә мөһим, кеше өчен икесе дә кирәк. Ләкин, ни кызганыч, бик күпләр бу байлыкның берсенә генә ия, арабызда икесеннән дә мәхрүм адәм балалары да бихисап. Нишләп болай соң әле бу? Гомерем буе эзләп тә шушы көнгә кадәр минем бу сорауга җавап таба алганым юк иде... Безнең халыкта “байлык бер айлык” дигән гыйбарә бар. Монда сүз матди байлык турында бара, ә күңел байлыгы, рухи байлык – гомерлек.
Аллаһның яраткан гүзәл дөньясында сау-сәламәт йөрү, Аның яраткан гүзәллекләрен күрү, чишмә чылтырауларын, кошлар сайрауларын ишетү нинди сөенеч?! Ә шул гүзәллекнең кадерен беләбезме, шөкерана кылабызмы? Әйе, без каядыр ашыгабыз, кабаланабыз, табигать матурлыгы белән хозурланырга, “Сөбханаллаһ” дияргә, бер-беребезгә кадер-хөрмәт күрсәтергә дә вакытыбыз калмый. Ә гомер озынмы, кыскамы? Әйе, гомер бик кыска, берәү дә яшәүдән туймый. Дөнья мәшәкатьләре белән гомернең узганын сизми дә калабыз. Артыбызга борылып карасак, поезд киткән, яшьлек үткән, кире кайту капкасы ябылган була. Аллаһ үзенең мөлкәтенең йөздән бер өлешен генә бу дөньяда безгә биргән, ә 99 өлешен ахирәткә калдырган. Ир белән хатын, әти-әни һәм балалар бергә яши торган вакыт тагын да кыскарак, шуңа күрә тагын да кадерлерәк булырга тиеш. Бергә яшәгән һәр минутны, Аллаһтан олы нигъмәт диеп белеп, матур итеп гомер кичерик. Аерылганга кадәр – бергә булуның, авырганга кадәр сәламәтлекнең кадерен белеп, яшәсәк иде. Без бит бу җирдә кунак кына. Шуңа күрә һәр яңа туган көнне елмаеп башларга тырышам. Балаларымның уңышларына сөенеп, аларга ярдәм итеп, ярдәм сораган кешегә ярдәмләшеп, һәркемнең күңелен күреп яшәргә тырышам.

5 нче көн - "Ак алъяпкыч билләрдә..."
( һәр хуҗабикәнең яратып пешерә торган, гаиләсен сыйлый торган үзенчәлекле ашау рецепты бар, әйдәгез уртаклашыйк)Show more
#авылханымымарафоны
#балтачүзәккитапханәсе
Авыл ханымнарының өстәленнән бервакытта да пешкән тәмле ризык өзелмәс. Мин үзем дә төрледән төрле ризыклар пешерергә бик яратам. Авыл җирендә вакыт дигәнең нишләптер җитеп бетми... Шунлыктан мин күпчелек тиз әзерләнә торган ризыклар пешерәм. Шуларның берсен сезгә дә тәгъдим итәм.
Үзбәкләр аны бик яратып, үзләренчә "ханум" дип атыйлар, татарда " уралама" дип йөртәбез.
Ә рецепты менә шулай: суган белән кишерне кырып, ит фаршына кушарга. Йомырка, су, тоз, бераз майонез салып ясалган камырны токмачныкыннан юкарак итеп җәеп, катнашманы өслеккә тигез итеп салырга. Аннары рулет итеп төрергә. Манты савытында парда пешереп алырга. Табынга кисеп куярга. Бик тәмле. Аны кырып, суы сыгылган бәрәңге кушып әзерләргә дә була.