Кызым! Улым!
Оныта күрмәгез берүк,
Сез – туганнар! Бер тамырдан.
Туган итеп, бу дөньяга
Сезне бер ана тудырган.

Бер мәхәббәтемне бүлеп
Икегезгә тигез бирдем.
«Бер-берсенә терәк булсын,
Бүләк булсын алар» - дидем.

Минем догам, мәхәббәтем
Ярдәм итсен авыр чакта.
Аллакаем, үзең биргән
Балаларымны имин сакла

Бер оядан, бер тамырдан,
Ике балам – ике канат.
Аларны мин яраткандай,
Раббым, Аллам,
Син дә ярат??!

Мин киткәч тә, ике тамыр
Яшәсеннәр тоташ булып.
Изге теләк, хәер-дога,
Миннән сезгә…
Кызым! Улым....
Show more
М. Гәрәева.