Бала кайгысыннан зур кайгы юк,
Таза гына булсын балалар!
Ничә айлар карынында йөртеп, Show more
Үстерә бит аны аналар.

Күзләренә карап «Әни» диеп,
«Ярдәм ит» – дип дәшсә баласы,
Аның өчен утка керергә дә
Йөз мәртәбә әзер анасы!

Чыелса да баласының кулы,
Өреп-өреп бәйли ярасын.
Бар чирләрне тик үзенә алып,
Таза итер иде баласын!

Бар ташларны җыеп, баласының
Гөлләр түшәр иде юлына.
Тик бәхетләр генә бирер иде,
Килсә әгәр ана кулыннан.

Әй, Ходаем, кырыс бу дөньялар
Балаларны безнең какмасын!
Начар эштән, явыз бәндәләрдән,
Балаларны Ходай сакласын!

Флёра Шарипова

МӨХӘММӘД ПӘЙГАМБӘРНЕҢ
(салләллаһү гәләйһи үә сәлләм)
АЛТЫН КИҢӘШЛӘРЕ

ӨЧ ТӨРЛЕ МӨНӘСӘБӘТНЕ ДӘВАМ ИТТЕРЕП ТУКТАТМАГЫЗ:
1) Туганнар белән
2) Күршеләр белән
3) Дуслар белән
ӨЧ ТӨРЛЕ СЫЙФАТНЫ ҮЗЕГЕЗДӘ ДАИМИ БУЛУЫН КАЙГЫРТЫГЫЗ:
1) Сабырлык
2) Гафу итә белү
3) Рәхмәтле булу
ӨЧ НӘРСӘНЕҢ ЧИСТАЛЫГЫН САКЛАРГА ТЫРЫШЫГЫЗ:
1) Йөрәкнең
2) Киемнең
3) Фикерләрнең
ӨЧ УҢАЙ ГАДӘТКӘ НЫК ТОТЫНЫГЫЗ:
1) Елмаю
2) Садака бирү (мохтаҗларга булышу)
3) Шат күңеллелек (оптимизм)
ӨЧ НӘРСӘ ТУРЫНДА ГЕЛ УЙЛАГЫЗ:
1) Мәңгелек тормыш турында
2) Аллаһның рәхимлелеге турында
3) Кылган гамәлләр нәтиҗәсе турында
ӨЧ ТӨРЛЕ ГӨНАҺТАН ЧИТЛӘШЕГЕЗ:
1) Гайбәттән
2) Тәкәбберлектән
3) ЯлкаулыктанShow more
ӨЧ ТӨРЛЕ НӘРСӘГӘ ИЯ БУЛЫГЫЗ:
1) Максатчанлык (куелган максатка ныклап омтылу)
2) Һөнәрчелек (нинди дә булса һөнәрне бик яхшы үзләштерү)
3)Үз-үзеңне тәртиптә тота белү (самодисциплина)
ӨЧ ТӨРЛЕ НӘРСӘДӘН АРЫНЫГЫЗ:
1) Көнчелек
2) Ачу кабарып кызып китү
3) Ялган

Ришат хәзрәт Курамшин әзерләде.